നരിക്കുനി: ചേളന്നൂര്‍ ബി.ആര്‍.സിക്ക് കീഴില്‍ നരിക്കുനി ഗ്രാമപഞ്ചായത്തിലെ പാറന്നൂര്‍ ജി.എം.എല്‍.പി സ്‌കൂളിനെ അടിമുടി മാറ്റുകയാണ് പൂര്‍വവിദ്യാര്‍ഥികള്‍.ഒന്നാം ക്ലാസ് റൂമുകളെ മനോഹരമാക്കുന്നതിനുള്ള പ്രവര്‍ത്തനം തുടങ്ങി. 24 കുട്ടികളാണ് ആധുനിക സൗകര്യങ്ങളൊരുക്കുന്ന ഒന്നാം ക്ലാസിലേക്ക്  ചേര്‍ന്നിരിക്കുന്നത്. ഓരോ ക്ലാസിലും കംപ്യൂട്ടറുകള്‍, ആന്‍ഡ്രോയിഡ് ടി.വി, ക്ലാസ്സ് ലൈബ്രറി തുടങ്ങിയവയുടെ സജ്ജീകരണത്തിനായി 5 ലക്ഷം രൂപയോളമാണ് പൂര്‍വവിദ്യാര്‍ഥികള്‍ മാതൃവിദ്യാലയത്തെ മികവിലെത്തിക്കാന്‍ ചെലവിടുന്നത്. വിദ്യാലയത്തിലേക്ക് കുട്ടികളെ വരവേല്‍ക്കുന്ന ചടങ്ങ്  ജില്ലാ പഞ്ചായത്ത് പ്രസിഡന്റ് ശ്രീ ബാബു പറശ്ശേരി ഉദ്ഘാടനം ചെയ്തു.വാര്‍ഡ് മെമ്പര്‍ ഫൗസിയ റഹ്മാന്‍ അധ്യക്ഷയായി. ശ്രീ.പി പി.അബ്ദുല്‍ ജബ്ബാര്‍, ഷക്കീല ടീച്ചര്‍, ആമിന ടീച്ചര്‍, യു അബ്ബാസ് പങ്കെടുത്തു.