ഫറോക്ക്: നല്ലളം പഴയ ജുമുഅത്ത് പള്ളി മഹല്ല് ഖാസിയായി കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ സ്ഥാനമേറ്റു. സയ്യിദ് ജിഫ്‌രി മുത്തു കോയ തങ്ങള്‍ ഖാസിക്ക് തലപ്പാവും സ്ഥാന വസ്ത്രവും അണിയിച്ചു.  മഹല്ല്് പ്രസിഡന്റ് എം.സി.മായിന്‍ ഹാജി ബൈഅത്ത് ചെയ്തു.നാസര്‍ ഫൈസി കൂടത്തായി മുഖ്യപ്രഭാഷണം നടത്തി. മുഹ്‌യുദ്ദീന്‍ ഫൈസി, മുസ്തഫ ഫൈസി, റഹീം ഫൈസി, ഷബീബ് ഫൈസി, നിസാര്‍ മുസ്‌ലിയാര്‍ സംസാരിച്ചു. എ.അലവി സ്വാഗതവും എന്‍.കോയമാമു നന്ദിയും പറഞ്ഞു.