കോഴിക്കോട്: കെ.എസ്.യു സംസ്ഥാന പ്രസിഡന്റ് കെ.എം അഭിജിത്തിന് ജന്മനാടായ അത്തോളിയില്‍ സ്വീകരണം നല്‍കി. മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ നല്‍കിയ സ്വീകരണം എം.കെ രാഘവന്‍ എം.പി ഉദ്ഘാടനം ചെയ്തു. കെ.പി.സി.സി ജനറല്‍ സെക്രട്ടറി ബെന്നി ബെഹനാന്‍ ഉപഹാരം നല്‍കി. അത്താണിയില്‍ നടന്ന ചടങ്ങില്‍ മണ്ഡലം കോണ്‍ഗ്രസ് പ്രസിഡന്റ് ഗിരീഷ് മൊടക്കല്ലൂര്‍ അധ്യക്ഷനായി. കെ.പി.സി.സി സെക്രട്ടറിമാരായ എന്‍.സുബ്രഹ്മണ്യന്‍, അഡ്വ. പ്രവീണ്‍കുമാര്‍, ഡി.സി.സി പ്രസിഡന്റ് ടി.സിദ്ധീഖ്, നിജേഷ് ബാബു, ഗണേഷ് ബാബു, ജൈസല്‍ കമ്മോട്ടില്‍ സംസാരിച്ചു. എം.കെ രാജന്‍ സ്വാഗതവും രാജേഷ് കൂട്ടാക്കില്‍ നന്ദിയും പറഞ്ഞു. കെ.എം അഭിജിത്ത് മറുപടി പ്രസംഗം നടത്തി. കെ.എസ്.യു ജില്ലാ പ്രസിഡന്റ് വി.ടി മുഹമ്മദ് നിഹാല്‍, ജനറല്‍ സെക്രട്ടറി സുധിന്‍ സുരേഷ്, നര്‍ത്തകന്‍ എസ്.അശ്വിന്‍ എന്നിവരേയും ചടങ്ങില്‍ അനുമോദിച്ചു.