മലപ്പുറം: ഇന്ത്യന്‍ കാര്‍ഷിക ഗവേഷണ കൗണ്‍സിലിന്റെ സോണ്‍ എട്ടിലെ മികച്ച കൃഷിവിജ്ഞാന കേന്ദ്രത്തിനുള്ള 2015ലെ പുരസ്‌കാരവും 2016 ലെ അടല്‍ രാഷ്ട്രീയ കൃഷിവിജ്ഞാന്‍ പ്രോത്സാഹന്‍ പുരസ്‌കാരവും മലപ്പുറം കൃഷിവിജ്ഞാനകേന്ദ്രത്തിന് ലഭിച്ചു.
പ്രശംസാപത്രവും അഞ്ചു ലക്ഷം രൂപയും അടങ്ങുന്ന പുരസ്‌കാരം ജൂലൈ 16നു ന്യൂഡല്‍ഹിയില്‍ നടക്കുന്ന ഐ.സി.എ.ആര്‍ സ്ഥാപക ദിനാഘോഷ പരിപാടിയില്‍ നല്‍കും. അടല്‍ രാഷ്ട്രീയ കൃഷിവിജ്ഞാന്‍ പ്രോത്സാഹന്‍ പുരസ്‌കാരമായി പ്രശംസാപത്രവും 2.25 ലക്ഷവും ലഭിക്കും. പുരസ്‌കാര വിതരണം ഡിസംബറില്‍ നടക്കും. 'കൃഷി സഹായി' എന്ന സ്വയംസഹായ സംഘത്തെ വാര്‍ത്തെടുക്കുകയും പദ്ധതി ജില്ലയിലാകെ വ്യാപിപ്പിക്കുകയും ചെയ്തത് കെ.വി.കെയുടെ പ്രധാന നേട്ടമാണ്.