കൂത്തുപറമ്പ്: ഡി.വൈ.എഫ്.ഐ കൂത്തുപറമ്പ് ബ്ലോക്ക് കമ്മിറ്റിയുടെ നേതൃത്വത്തില്‍ മെയ് ഏഴു മുതല്‍ നഗരസഭാ സ്റ്റേഡിയത്തില്‍ സംഘടിപ്പിക്കുന്ന അഖിലേന്ത്യാ വോളിബോള്‍ ടൂര്‍ണമെന്റിന്റെ പോസ്റ്റര്‍ പ്രകാശനം ചെയ്തു.
പ്രസ്‌ഫോറത്തില്‍ നടന്ന ചടങ്ങില്‍ ഇന്ത്യന്‍ വോളിതാരം കിഷോര്‍ കുമാര്‍ ഡി.വൈ.എഫ്.ഐ ജില്ലാ സെക്രട്ടറി വി.കെ സനോജിന് പോസ്റ്റര്‍ നല്‍കി പ്രകാശനം ചെയ്തു. കെ വിനോദ് അധ്യക്ഷനായി. അഭിലാഷ് പനോളി, കെ മുരളീധരന്‍, കെ ലയ സംസാരിച്ചു.
സിര്‍സി ചെര്‍ക്കള, കൊച്ചിന്‍ സിക്‌സേസ് എറണാകുളം, ശ്രീനാരായണ വീര്‍പ്പാട്, സ്മാഷ് ചെന്നൈ, ഫൈറ്റേഴ്‌സ് കണ്ണൂര്‍, കെ.എസ്.ഇ.ബി തിരുവനന്തപുരം
എന്നീ പ്രമുഖ ടീമുകളും ടൂര്‍ണമെന്റില്‍ മത്സരിക്കും. പ്രദേശിക വനിതാ വോളിബോള്‍ മത്സരവും നടത്തും.