മുക്കം: ഇന്തോനേഷ്യയിലെ വെസ്റ്റ് ജാവ ദ്വീപില്‍ 13 മുതല്‍ 16 വരെ നടക്കുന്ന 15-ാമത് ഇന്തോനേഷ്യന്‍ ഇന്റര്‍നാഷണല്‍ കൈറ്റ് ഫെസ്റ്റിവലില്‍ ഇന്ത്യന്‍ സംഘത്തെ സലീം പാറക്കല്‍ നയിക്കും.
ഏഷ്യയിലെ 22 രാജ്യങ്ങളില്‍ നിന്നായി 85 കൈറ്റ് ടീമുകള്‍ ഫെസ്റ്റിവലില്‍ പങ്കെടുക്കുന്നുണ്ടെന്ന് വണ്‍ ഇന്ത്യ കൈറ്റ് ടീം അംഗങ്ങള്‍ വാര്‍ത്താ സമ്മേളനത്തില്‍ അറിയിച്ചു. വണ്‍ ഇന്ത്യ കൈറ്റ് ടീമിന്റെ അംഗങ്ങളായ സലീം പാറക്കല്‍, അബ്ദുല്ല മാളിയേക്കല്‍, അഡ്വ. ശ്യാം പത്മന്‍, രാഘേഷ് ശര്‍മ്മ, അനൂപ് ഫ്രാന്‍സിസ്, അനു തീപ് സിങ് എന്നിവരാണ് ടീമംഗങ്ങള്‍. വാര്‍ത്താസമ്മേളനത്തില്‍ സലിം പാറക്കല്‍, ഗുലാം കൊളക്കാടന്‍, അനൂപ് ഫ്രാന്‍സിസ്, ഹാഷിം കടാക്കലകം, ഡോ. ഐബി ഫ്രാന്‍സിസ് സംബന്ധിച്ചു.