മുംബൈ: ജൂണ്‍ 30 ന് ശേഷം ലോക്ക്ഡൗണ്‍ ഒഴിവാക്കില്ലെന്ന് വ്യക്തമാക്കി മഹാരാഷ്ട്ര മുഖ്യമന്ത്രി ഉദ്ധവ് താക്കറെ. കൊവിഡ് ഭീഷണി അകന്നുപോയിട്ടില്ലെന്നും കാര്യങ്ങള്‍ കൈവിട്ടു പോകാതിരിക്കാന്‍ ലോക്ക്ഡൗണ്‍ തുടരുമെന്നും ഉദ്ധവ് താക്കറെ പറഞ്ഞു.

അത്യാവശ്യമില്ലെങ്കില്‍ വീട്ടില്‍ നിന്ന് പുറത്തിറങ്ങരുതെന്നും അശ്രദ്ധവാന്മാരാവരുതെന്നും ഉദ്ധവ് താക്കറെ അഭ്യര്‍ഥിച്ചു.

മഹാരാഷ്ട്രയില്‍ ഇന്നലെ 5318 പേര്‍ക്ക് കൂടി കൊവിഡ് സ്ഥിരീകരിക്കുകയും 167 പേര്‍ മരണപ്പെടുകയും ചെയ്തിരുന്നു. ഇതോടെ മഹാരാഷ്ട്രയില്‍ മൊത്തം കൊവിഡ് ബാധിതരുടെ എണ്ണം 1,59,133 ആയി ഉയര്‍ന്നു.