വടകര: ജില്ലാ ആശുപത്രി പരിസരത്ത് കഞ്ചാവുമായി യുവാവിനെ എക്‌സൈസ് സംഘം പിടികൂടി. മേമുണ്ട സ്വദേശി ഉബൈദിനെയാണ് (36) വടകര എക്‌സൈസ് സര്‍ക്കിള്‍ ഓഫിസിലെ പ്രവന്റിവ് ഓഫിസര്‍ എന്‍.കെ വിനോദനും സംഘവും അറസ്റ്റ് ചെയ്തത്.
ഇയാളില്‍നിന്നു 50 ഗ്രാം കഞ്ചാവ് പിടിച്ചെടുത്തതായി എക്‌സൈസ് അറിയിച്ചു. തെരഞ്ഞെടുപ്പിന് മുന്നോടിയായി നടത്തിയ പരിശോധനക്കിടയിലാണ് ഇയാളെ പിടികൂടിയതെന്നും ഇയാള്‍ പല ക്രമിനല്‍ കേസുകളിലും പ്രതിയാണെന്നും എക്‌സൈസ് അറിയിച്ചു. പ്രവന്റിവ് ഓഫിസര്‍ കെ.എ ജയരാജന്‍, കെ.സി അമ്മത്, സി.ഇ.ഒമാരായ ടി. വിശ്വനാഥന്‍, പി.പി ഷൈജു, ഡ്രൈവര്‍ പ്രജീഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.