റിയാദ്: ഇറാന്റെ മൂന്ന് ബോട്ടുകൾ സഊദി അതിർത്തി ലംഘിച്ച് കടന്നതായി സഊദി നാവിക സേന അറിയിച്ചു. സഊദി അതിർത്തി കടന്ന ബോട്ടുകളെ മുന്നറിയിപ്പെന്നോണം വെടിയുതിർത്താണ് പിന്തിരിപ്പിച്ചതെന്ന് സഊദി മറൈൻ ബോർഡർ ഗാർഡ് പ്രസ്താവനയിൽ പറഞ്ഞു. വ്യാഴാഴ്ച്ച വൈകുന്നേരമാണ് ബോട്ടുകൾ സഊദി അതിർത്തി ലംഘിച്ച് മുന്നേറിയത്. ഉടൻ തന്നെ മുന്നറിയിപ്പുകൾ നൽകുകയും മുന്നറിയിപ്പെന്നോണം വെടിയുതിർക്കുകയും ചെയ്‌തിരുന്നതായും സഊദി നാവിക അതിർത്തി സുരക്ഷാ സേന അറിയിച്ചു.