മേപ്പാടി: സുപ്രഭാതം ദിനപത്രത്തിന്റെ അഞ്ചാം വാര്‍ഷികാഘോഷങ്ങളും വരിക്കാരെ ചേര്‍ക്കല്‍ കാംപയിനും മേപ്പാടി റെഞ്ച് പരിധിയിലെ പതിനാറ് മഹല്ലുകളിലും സജീവമാക്കാന്‍ മേപ്പാടി മദ്‌റസയില്‍ ചേര്‍ന്ന നേതൃസംഗമം തീരുമാനിച്ചു. മദ്‌റസാ മാനേജ്‌മെന്റ് അസോസിയേഷന്‍ റൈഞ്ച് പ്രസിഡന്റ് മുസ്തഫ മൗലവി അധ്യക്ഷനായി. റൈഞ്ച് പ്രസിഡന്റ് അബൂബക്കര്‍ റഹ്മാനി ഉദ്ഘാടനം ചെയ്തു.
സുപ്രഭാതം ജില്ലാ കോഡിനേറ്റര്‍ ഹാരിസ് ബാഖവി വിഷയമവതരിപ്പിച്ചു.മേപ്പാടി ഗ്രാമപഞ്ചായത്തംഗം ടി ഹംസ, പി.വി കുഞ്ഞിമുഹമ്മദ്, സൈതലവി ഹാജി, കെ മൊയ്തീന്‍, റൈഞ്ച് സെക്രട്ടറി ഷഫീഖ് ഫൈസി, അബ്ദുല്‍ മജീദ് ബാഖവി, റഫീഖ് ഫൈസി, ശിഹാബ് ഫൈസി സംസാരിച്ചു. മുഹമ്മദലി പുത്തുമല സ്വാഗതവും എ.കെ അലി മാസ്റ്റര്‍ നന്ദിയും പറഞ്ഞു.