മുക്കം: രാഹുല്‍ ഗാന്ധിയുടെ സ്ഥാനാര്‍ഥിത്വം ഇടതുപക്ഷത്തെ വിറൡപിടിപ്പിച്ചെന്നും അതുകൊണ്ടാണ് എല്‍.ഡി.എഫ് നേതാക്കള്‍ തുടര്‍ച്ചയായി അധിക്ഷേപ പരാമര്‍ശങ്ങള്‍ നടത്തുന്നതെന്നും ഡി.സി.സി പ്രസിഡന്റ് ടി. സിദ്ദീഖ്.  കൊടിയത്തൂര്‍ പഞ്ചായത്ത് യു.ഡി.എഫ് തെരഞ്ഞടുപ്പ് കണ്‍വന്‍ഷനും റാലിയും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാഹുല്‍ ഗാന്ധിയെ വയനാട്ടില്‍ നിന്ന് ഏറ്റവും വലിയ ഭൂരിപക്ഷത്തില്‍ വിജയിപ്പിക്കുമെന്നും അദ്ദേഹം പറഞ്ഞു. പഞ്ചായത്ത് ചെയര്‍മാന്‍ പുതുക്കുടി മജീദ് അധ്യക്ഷനായി. മുസ്‌ലിം ലീഗ് സംസ്ഥാന സെക്രട്ടറി സി.പി ചെറിയ മുഹമ്മദ് മുഖ്യ പ്രഭാഷണം നടത്തി. ബാബു പൈക്കാട്ടില്‍, കെ.വി അബ്ദുറഹിമാന്‍, ടി.പി ശറഫുന്നീസ, സി.ജെ ആന്റണി, കരീം പഴങ്കല്‍, മാത്യു തറപ്പ്‌തൊട്ടിയില്‍ സംസാരിച്ചു. 501 അംഗ തെരഞ്ഞടുപ്പ് കമ്മിറ്റി രൂപികരിച്ചു. ഭാരവാഹികളായി പുതുക്കുടി മജീദ് (ചെയര്‍മാന്‍), ബാബു പൊലുകുന്നത്ത്, എന്‍.കെ അഷ്‌റഫ് (വര്‍ക്കിങ് ചെയര്‍മാന്‍മാര്‍), കരീം പഴങ്കല്‍ (ജനറല്‍ കണ്‍വീനര്‍), കെ.പി അബ്ദുറഹിമാന്‍, മുനീര്‍ ഗോതമ്പറോഡ് (വര്‍ക്കിങ് കണ്‍വീനര്‍മാര്‍), മാത്യു തറപ്പ്‌തൊട്ടിയില്‍ (ട്രഷറര്‍) എന്നിവരെ തെരഞ്ഞെടുത്തു.