ചീമേനി: ഉത്തര കേരളത്തിലെ പ്രസിദ്ധമായ മുത്തുപ്പാറ മഖാം ഉറൂസിനു തുടക്കമായി. ഇന്നലെ കാലത്ത്  ഉറൂസ് കമ്മിറ്റി ചെയര്‍മാന്‍ ബഷീര്‍ മുസ്‌ലിയാര്‍ പതാക ഉയര്‍ത്തിയതോടെയാണ് അഞ്ചു ദിവസത്തെ ഉറൂസ് മുബാറക്കിനു തുടക്കം കുറിച്ചത്. ഖുര്‍ആന്‍ മജിലിസിന് അബ്ദുല്‍ മജീദ് മുസ്‌ലിയാര്‍ നേതൃത്വം നല്‍കി. എന്‍ സിദ്ദീഖ് സംസാരിച്ചു. പെരുമ്പട്ട റൈഞ്ച് പ്രസിഡന്റ് മുഹമ്മദ് ഹനീഫ് ഫൈസി ഉദ്ഘാടനം ചെയ്തു.
ജമാഅത്ത് പ്രസിഡന്റ് ടി.പി അബ്ദുല്‍ സലാം ഹാജി അധ്യക്ഷനായി. ശിഹാബുദ്ദീന്‍ ഫൈസി ആമത്തല മുഖ്യപ്രഭാഷണം നടത്തി. എം.ടി.പി അബ്ദുല്‍ ഖാദര്‍, എന്‍ സുബൈര്‍, കെ.എം അഹ്മദ്, എല്‍.കെ ശാഹുല്‍ ഹമീദ് സംസാരിച്ചു.
ഇന്നു രാത്രി നടക്കുന്ന പ്രഭാഷണം കാസര്‍കോട് കോസ്റ്റല്‍ സി.ഐ സുധാകരന്‍ ഉദ്ഘാടനം ചെയ്യും. ശിഹാബുദ്ദീന്‍ ബാഖവി കാക്കടവ് പ്രഭാഷണം നടത്തും. നാളെ രാത്രി അബ്ദുല്‍ മജീദ് ഫൈസി ഉദ്ഘാടനം ചെയ്യും. മുഹമ്മദ് ഹനീഫ് ഫൈസി എടപ്പലം പ്രഭാഷണം നടത്തും. 24നു രാത്രി ഏഴിനു മഖാം പരിസരത്തു നടക്കുന്ന മജ്‌ലിസുന്നൂറിന് കെ.പി അബൂബക്കര്‍ ബാഖവി നേതൃത്വം നല്‍കും. 25നു രാവിലെ 10നു നടക്കുന്ന മൗലീദ് പാരായണത്തിനും കൂട്ടുപ്രാര്‍ഥനക്കും അല്‍മശ്ഹൂര്‍ സയ്യിദ് ഉമര്‍ കോയ തങ്ങള്‍ നേതൃത്വം നല്‍കും. തുടര്‍ന്ന് ആയിരങ്ങള്‍ക്ക് അന്നദാനം നല്‍കുന്നതോടെയാണ്  ഉറൂസിന് സമാപനമാകുക.