കോഴിക്കോട്: നാമനിര്‍ദേശ പത്രിക സമര്‍പ്പിക്കാന്‍ രണ്ടുദിവസം ബാക്കി നില്‍ക്കെ ഇന്നലെ ജില്ലയില്‍ ആറ് പേര്‍ കൂടി പത്രിക നല്‍കി. കോഴിക്കോട് മണ്ഡലത്തില്‍ ഒരു സ്ഥാനാര്‍ഥിയും വടകരയില്‍ അഞ്ചു പേരുമാണ് പത്രിക സമര്‍പ്പിച്ചത്.  വടകരയില്‍ ബി.ജെ.പി സ്ഥാനാര്‍ഥി വി.കെ സജീവന്‍, എസ്.ഡി.പി.ഐ സ്ഥാനാര്‍ഥി പി.പി മുഹമ്മദ് മുസ്തഫ, മുന്‍ സി.പി.എം നേതാവ് സി.ഒ.ടി നസീര്‍ എന്നിവരും എ.പി ജതീഷുമാണ് പത്രിക നല്‍കിയത്.  ജില്ലാ കലക്ടര്‍ എസ്. സാംബശിവറാവു മുന്‍പാകെയാണ് പത്രിക സമര്‍പ്പിച്ചത്.