കല്‍പ്പറ്റ: വോട്ടര്‍മാര്‍ക്ക് വി.വി പാറ്റ് മെഷീന്‍ പരിചയപ്പെടുത്താന്‍ മാതൃകാ ഹരിത പോളിങ് സ്റ്റേഷന്‍ കലക്ടറേറ്റ് വളപ്പില്‍ സജ്ജമായി.
ഹരിതകേരളം മിഷന്‍, ശുചിത്വമിഷന്‍, ഇലക്ഷന്‍ വിഭാഗം എന്നിവ സംയുക്തമായാണ് മാതൃകാ പോളിങ് സ്‌റ്റേഷന്‍ തയാറാക്കിയത്. ഏപ്രില്‍ 22 വരെ രാവിലെ 10 മുതല്‍ വൈകിട്ട് അഞ്ചുവരെ വോട്ടര്‍മാര്‍ക്ക് വി.വിപാറ്റ് മെഷീന്‍ പരിചയപ്പെടാം.
ഇതിനായി മാസ്റ്റര്‍ ട്രെയിനറുടെ സേവനം ബൂത്തില്‍ ലഭിക്കും. തെരഞ്ഞെടുപ്പ് ബോധവല്‍ക്കരണവും ഹരിത തെരഞ്ഞെടുപ്പ് സന്ദേശവും ഹരിത ബൂത്തിലൂടെ കൈമാറും. സബ് കലക്ടര്‍ എന്‍.എസ്.കെ ഉമേഷ് പോളിങ് സ്‌റ്റേഷന്‍ ഉദ്ഘാടനം ചെയ്തു. സ്വീപ് നോഡല്‍ ഓഫിസര്‍ എന്‍.ഐ ഷാജു, ശുചിത്വമിഷന്‍ ജില്ലാ കോഡിനേറ്റര്‍ പി.എ ജസ്റ്റിന്‍, അസിസ്റ്റന്റ് കോഡിനേറ്റര്‍മാരായ എം.പി രാജേന്ദ്രന്‍, എ.കെ രാജേഷ് പങ്കെടുത്തു.