തിരൂരങ്ങാടി: നന്നമ്പ്ര പഞ്ചായത്തില്‍ എം.എല്‍.എയുടെ ആസ്തി വികസന ഫണ്ടില്‍നിന്ന് അനുവദിച്ച 15 മിനിമാസ്റ്റ് ലൈറ്റുകള്‍ നാടിന് സമര്‍പ്പിച്ചു. വിവിധയിടങ്ങളിലായി നടന്ന ചടങ്ങില്‍ പി.കെ അബ്ദുറബ്ബ് എം.എല്‍.എ ലൈറ്റുകളുടെ സ്വിച്ച് ഓണ്‍ കര്‍മം നിര്‍വഹിച്ചു.
കൊടിഞ്ഞി പാലാ പാര്‍ക്കിലെ ലൈറ്റ് സ്വിച്ച് ഓണ്‍ കര്‍മം നടത്തിയാണ് തുടക്കം കുറിച്ചത്. നന്നമ്പ്ര പഞ്ചായത്ത് പ്രസിഡന്റ് പനയത്തില്‍ മുസ്തഫ അധ്യക്ഷനായി.
തിരൂരങ്ങാടി ബ്ലോക്ക് പഞ്ചായത്ത് പ്രസിഡന്റ് കെ. അബ്ദുല്‍ കലാം മാസ്റ്റര്‍, ജില്ലാ പഞ്ചായത്തംഗം സി.പി ജമീല അബൂബക്കര്‍, വൈസ് പ്രസിഡന്റ് തേറാമ്പില്‍ ആസിയ, സ്ഥിരംസമിതി അധ്യക്ഷരായ എം.പി ഷരീഫ, ഇ.പി മുജീബ് മാസ്റ്റര്‍, കാവുങ്ങല്‍ ഫാത്തിമ, സി. അബൂബക്കര്‍ ഹാജി, കെ. കുഞ്ഞിമരക്കാര്‍, കെ.പി.കെ തങ്ങള്‍, കെ.കെ റസാഖ് ഹാജി, പച്ചായി ബാവ, മതാരി അബ്ദുറഹ്മാന്‍ കുട്ടി ഹാജി തുടങ്ങിയവര്‍ സംബന്ധിച്ചു.