കല്‍പ്പറ്റ: സ്വതന്ത്ര സ്ഥാനാര്‍ഥിയായി തൃശൂര്‍ നസീര്‍ വയനാട്, പൊന്നാനി മണ്ഡലങ്ങളില്‍ ജനവിധി തേടും.
പൊന്നാനി മണ്ഡലത്തില്‍ കഴിഞ്ഞ ദിവസം നാമനിര്‍ദേശ പത്രിക സമര്‍പ്പിച്ചു. വയനാട് മണ്ഡലത്തില്‍ മത്സരിക്കുന്നതിനായി ഇന്ന് നാമനിര്‍ദേശ പത്രിക സമര്‍പ്പിക്കും. ഇരു മണ്ഡലങ്ങളിലെയും പിന്നാക്കാവസ്ഥക്ക് പരിഹാരം കാണുന്നതില്‍ സര്‍ക്കാരുകള്‍ പരാജയപെട്ടെന്ന് നസീര്‍ പറയുന്നു. 2014ലെ തെരെഞ്ഞെടുപ്പില്‍ കോഴിക്കോട് മണ്ഡലത്തിലും നസീര്‍ മത്സരിച്ചിരുന്നു. കഴിഞ്ഞ നിയമസഭാ തെരെഞ്ഞെടുപ്പില്‍ കുഞ്ഞാലിക്കുട്ടിക്കെതിരേയും മത്സരിച്ചിരുന്നു. ഗായകനും ഹാസ്യനടനുമാണ് തൃശൂര്‍ സ്വദേശിയായ നസീര്‍. ഗിന്നസ് റെക്കോര്‍ഡ് ജേതാവാണ്. നാലായിരം പഴയ സിനിമ ഗാനങ്ങള്‍ നൂറ്റിപതിനൊന്ന് മണിക്കൂര്‍ ആലപിച്ചും തുടര്‍ച്ചയായി മിമിക്രി അവതരിപ്പിച്ചും ശ്രദ്ധേയനായിരുന്നു.