കൊണ്ടോട്ടി:മണ്ഡലത്തില്‍ സമഗ്ര വിദ്യാഭ്യാസ പുരോഗതി ലക്ഷ്യമിട്ടുള്ള അക്ഷരശ്രീ പദ്ധതിയുടെ കിഡ്‌സ് പാര്‍ക്ക് ഉദ്ഘാടനം നെടിയിരുപ്പ് ചിറയില്‍ ജി.എം.യു.പി. സ്‌കൂളില്‍ പി.കെ കുഞ്ഞാലിക്കുട്ടി എം.പി നിര്‍വ്വഹിച്ചു. ഒരു എം.എല്‍.എ യുടെ ആസ്തി വികസന ഫണ്ടില്‍ നിന്നു പൊതു വിദ്യാലയങ്ങള്‍ക്കു കിഡ്‌സ് പാര്‍ക്ക് നിര്‍മ്മിച്ചു നല്‍കുന്ന പദ്ധതി സംസ്ഥാനത്തിനു തന്നെ മാതൃകയാണെന്ന് അദ്ദേഹം പറഞ്ഞു. ടി.വി. ഇബ്രാഹീം എം.എല്‍.എ അധ്യക്ഷതനായി.
ഹൈടെക് ക്ലാസ് റൂമുകളുടെ ഉദ്ഘാടനം നഗരസഭാ ചെയര്‍മാന്‍ സി.കെ നാടിക്കുട്ടി നിര്‍വ്വഹിച്ചു. ഔഷധ സസ്യതോട്ട ഉദ്ഘാടനം നഗരസഭ വൈസ്‌ചെയര്‍പേഴ്‌സണ്‍ പാലക്കല്‍ ഷറീന, വാട്ടര്‍ പ്യൂരിഫയര്‍ ഉദ്ഘാടനം സ്ഥിര സമിതി ചെയര്‍മാന്‍ യു.കെ മമ്മദിശയുംനിര്‍വ്വഹിച്ചു. എല്‍.എസ്.എസ്, യു.എസ്.എസ് പരീക്ഷാ വിജയികളെ നഗരസഭ സ്ഥിര സമിതി ചെയര്‍മാന്‍ പി. അഹമ്മദ് കബീര്‍ ആദരിച്ചു.