വെട്ടത്തൂര്‍: കുട്ടികളുടെ ശാരിരിക മാനസികക്ഷമത ഉയര്‍ത്തുന്നതിന്റെ ഭാഗമായി വെട്ടത്തൂര്‍ എ.എം.യു.പി സ്‌കൂളില്‍ കരാട്ടെ പരിശീലനം ആരംഭിച്ചു. ഏഷ്യന്‍ കരാട്ടെ അസോസിയേഷന്‍ ജഡ്ജ് പൂക്കോടന്‍ അബ്ദുല്‍ അസീസാണ് പരിശീലനം നല്‍കുന്നത്. പി.ടി.എ പ്രസിഡന്റ് പി.കെ.ജാഫര്‍ ബാബു ഉദ്ഘാടനം ചെയ്തു. അധ്യാപകരായ കെ. കൃഷ്ണകുമാര്‍, കെ. അമീര്‍ ഹുസൈന്‍, എ. വിജയന്‍, സി. നൗഷാദ്, എം. റസ്മിയ സംസാരിച്ചു. എല്ലാശനിയാഴ്ചകളിലും ഉച്ചവരെയും ബുധനാഴ്ച സ്‌കൂള്‍ സമയം അവസാനിച്ചതിന് ശേഷവുമായി പരിശീലനം നടക്കും. സ്‌കൂളിലെ മുഴുവന്‍ കുട്ടികള്‍ക്കും പരിശീലനം നല്‍കാനാണ് പി.ടി.എയുടെ തീരുമാനം.