ക്വീറ്റ: വിവിധ നിരോധിത തീവ്രവാദ സംഘടകളില്‍പ്പെട്ട 434 പേര്‍ പാകിസ്താനിലെ ബലൂചിസ്ഥാനില്‍ കീഴടങ്ങി. ആയുധങ്ങളെല്ലാം അധികൃതര്‍ക്ക് കൈമാറിയാണ് തീവ്രവാദികള്‍ കീഴടങ്ങിയത്.

ബലൂച് റിപബ്ലിക്കന്‍ ആര്‍മി, ബലൂച് ലിബറേഷന്‍ ആര്‍മി തുടങ്ങിയ വിഘടനാവാദീ സംഘടകളിപ്പെട്ടവരാണ് കീഴടങ്ങിയത്. സാധാരണ ജീവിതം നയിക്കാനാഗ്രഹിക്കുന്നവര്‍ക്ക് ആയുധം വച്ച് കീഴടങ്ങാമെന്ന് ദക്ഷിണ കമ്മാന്‍ഡ് ലഫ്. ജനറല്‍ ആമിര്‍ റിയാസ് പറഞ്ഞു.

കീഴടങ്ങലിനു ശേഷം തങ്ങളുടെ രാജ്യത്തോടുള്ള കൂറ് വ്യക്തമാക്കുന്ന പ്രതിജ്ഞയും ഇവര്‍ ചൊല്ലി. 2004 മുതല്‍ നിരന്തരം പ്രശ്‌നം തുടരുന്ന മേഖലയാണ് ബലൂചിസ്ഥാന്‍. ഇതിനിടയില്‍ നടന്ന ഏറ്റുമുട്ടലുകളില്‍ നിരവധി തീവ്രവാദികള്‍ കൊല്ലപ്പെടുകയും ചെയ്തു.