പൊള്ളാച്ചി: തമിഴ്‌നാട് മുന്‍ മുഖ്യമന്ത്രി എം ജി ആറിനോടുളള ആരാധന മൂത്തു്് കഴിഞ്ഞ 25 വര്‍ഷമായിഎ.ഐ.എ.ഡി.എം.കെ ക്കുവേണ്ടി ഒറ്റയാള്‍ പ്രചാരണം നടത്തുകയാണ് പൊള്ളാച്ചി നെഹ്‌റു നഗറിലെ തിരുമൂര്‍ത്തി.തെരഞ്ഞെടുപ്പ് കാലമായാല്‍ പ്രചാരവേദികള്‍ക്കു മുന്നില്‍ എം. ജി. ആര്‍ അഭിനയിച്ച സിനിമകളിലെ പാട്ടുകള്‍ പാടി അഭിനയിക്കും.പിന്നെ, കൈയില്‍ കരുതിയ രണ്ടില ചിഹ്നത്തില്‍ വോട്ടു ചോദിക്കും.കഴിഞ്ഞ ഇരുപത്തഞ്ചു്് വര്‍ഷത്തിലേറെയായി തിരുമൂര്‍ത്തിക്ക് തെരഞ്ഞെടുപ്പ് കാലത്തു്് വലിയ തിരക്കാണ്. എ. ഐ. എ. ഡി. എം. കെയുടെ പ്രചാരണ പൊതുയോഗങ്ങളില്‍ ചെന്ന് പാര്‍ട്ടിക്ക് വേണ്ടി വോട്ടു ചോദിക്കുന്ന പതിവ് തെറ്റിക്കാറില്ല.വയസ് അറുപത്തിയഞ്ചു് കഴിഞ്ഞെങ്കിലും യുവാവിന്റെ പ്രസരിപ്പോടെ പൊള്ളാച്ചി, കോയമ്പത്തൂര്‍ തുടങ്ങിയ സ്ഥലങ്ങളില്‍ എത്തി വോട്ടഭ്യത്ഥന നടത്തും. രണ്ടാം ക്‌ളാസ് വരെയാണ് പഠിത്തം.ചുമട്ടു തൊഴിലാളിയായി പണിയെടുത്തു് ജീവിച്ചു വന്ന ഇദ്ദേഹം ഇപ്പോള്‍ പാര്‍ട്ടിക്കാര്‍ നല്‍കുന്ന ചെറിയ തുക കൊണ്ട് ജീവിക്കുന്നു.പരിപാടി നടക്കുന്ന സ്ഥലങ്ങളില്‍ കൊണ്ടുപോയിഭക്ഷണംനല്‍കി അര്‍ധരാത്രി വരെ പരിപാടികളില്‍ പ്രചാരകനായി നിര്‍ത്തും.
സമ്പൂര്‍ണ കക്കൂസ് നിര്‍മിച്ചതായി അവകാശപ്പെടുന്ന പൊള്ളാച്ചി നഗരസഭാവാസിയായ തിരുമൂര്‍ത്തിയുടെ വീട്ടില്‍ കക്കൂസില്ല. ജയലളിത ഉള്‍പ്പെടെയുള്ള പാര്‍ട്ടി നേതാക്കള്‍പരിപാടി കണ്ട്് ഇദ്ദേഹത്തെ നേരിട്ട്്്അഭിനന്ദിച്ചിട്ടുണ്ടെങ്കിലും ഒരു കക്കൂസ് നല്‍കാന്‍ ആരും തയാറായിട്ടില്ല.