തിരുവനന്തപുരം: യു.എ.പി.എ പൊതുപ്രവര്‍ത്തകര്‍ക്കെതിരേ ചുമത്തരുതെന്ന് മുഖ്യമന്ത്രി പിണറായി വിജയന്‍ പൊലിസിനോട്. ക്രമസമാധാന പാലനത്തിലും കേസന്വേഷണത്തിലും സ്വാധീനത്തിന് വഴങ്ങരുത്. പ്രകോപനം സൃഷ്ടിക്കരുതെന്നും മുഖ്യമന്ത്രി പൊലിസിനോട് പറഞ്ഞു. എന്നാല്‍, കേസന്വേഷണത്തിന് മര്‍ദ്ദനങ്ങളും പ്രാകൃതമുറകളും അനുവദിക്കില്ലെന്നും അദ്ദേഹം പറഞ്ഞു. തിരുവനന്തപുരം റേഞ്ച് പൊലിസ് ഉദ്യോഗസ്ഥരുടെ യോഗത്തിലാണ് മുഖ്യമന്ത്രി നിലപാടറിയിച്ചത്.

അതുപോലെ സര്‍ക്കാര്‍ നയങ്ങള്‍ അനുസരിച്ച് മാത്രമേ പൊലിസ് പ്രവര്‍ത്തിക്കാവൂ. രാഷ്ട്രീയ പക്ഷപാതിത്വം പാടില്ലെന്നും പറഞ്ഞ മുഖ്യമന്ത്രി പൊലിസിന്റെ ഭാഗത്ത് നിന്ന് വരുന്ന ഏത് വീഴ്ചയിലും വകുപ്പിലെ ഉന്നത ഉദ്യോഗസ്ഥര്‍ക്കും പങ്കുണ്ടാവുമെന്നും അതിനാല്‍ ജാഗ്രതയോടെ വേണം പ്രവര്‍ത്തിക്കാനെന്നും അദ്ദേഹം യോഗത്തില്‍ പറഞ്ഞു.