പാലക്കാട്: ജില്ലയിലെ 20 എയ്ഡഡ് ഹൈസ്‌കൂളിലെ അഞ്ഞൂറിലധികംവരുന്ന അധ്യാപകര്‍ക്ക് രണ്ടുമാസമായി ശമ്പളമില്ല. സാങ്കേതിക തകരാറെന്നും പറഞ്ഞാണ്്് ശമ്പളം നല്‍കാത്തത്്്.ഇക്കഴിഞ്ഞ ഫെബ്രുവരി, മാര്‍ച്ച് മാസങ്ങളിലെ ശമ്പളമാണ് സര്‍ക്കാര്‍ നല്‍കാതിരിക്കുന്നത്.സ്‌കൂളുകള്‍ക്ക് അവധിയാണെങ്കിലും തെരഞ്ഞെടുപ്പ് ഡ്യൂട്ടിക്കായി ഓടുന്നവരാണ് ഇതിലധികംപേരും. ആയതിനാല്‍ത്തന്നെ ചിലവിനുള്ള പണംപോലും കണ്ടെത്തുന്നതിനായി പരക്കംപാച്ചിലിലാണ്.
ജില്ലാ വിദ്യാഭ്യാസ ഓഫീസിലെ പുതിയതായി നിയമിക്കപ്പെട്ട ഉദ്യോഗസ്ഥന്റെ ഡിജിറ്റല്‍ സിഗ്‌നേച്ചര്‍ ഉണ്ടാക്കി സാമ്പത്തിക അനുമതി നല്‍കേണ്ട സോഫ്ട്‌വെയറില്‍ ബന്ധിപ്പിക്കാനുള്ള തകരാറാണെന്നാണ് പറയപ്പെടുന്നത്.എന്നാല്‍ ഈ പ്രശ്‌നം പരിഹരിക്കാന്‍ വെറും മണിക്കൂറുകള്‍ മതിയെന്നാണ് സാങ്കേതികമായി അറിവുള്ളവര്‍ പറയുന്നത്്്. തെരഞ്ഞെടുപ്പുതിരക്കിനിടയില്‍ പെട്ടുപോയാല്‍ മാര്‍ച്ചുമാസത്തെ ശമ്പളവും കിട്ടാതാകുമോ എന്ന ആശങ്കയിലാണ് അധ്യാപകര്‍.