കണിച്ചാര്‍: കണിച്ചാര്‍ ടൗണിലെ വ്യാപാര സ്ഥാപനങ്ങളില്‍വീണ്ടും മോഷണം.ഇന്നലെ പുലര്‍ച്ചെയോടെയാണ് മോഷണം നടന്നത് .
മണത്തണയിലെ വ്യാപാരസ്ഥാപനങ്ങളില്‍ കഴിഞ്ഞ ദിവസം മോഷണം നടന്നതിനു പിന്നാലെയാണ് കണിച്ചാറിലെ കൈലാസ് സ്‌റ്റോര്‍സിലും കാട്ടുമാടം സെയില്‍സ് കോര്‍പ്പറേഷനിലും മോഷണം നടന്നത്. കടയ്ക്ക് മുന്‍പില്‍സ്ഥാപിച്ച മൂന്ന് നിരീക്ഷണ കാമറകളാണ് മോഷണം പോയത്. വ്യാപാരികളുടെ പരാതി പ്രകാരം കേളകം എസ്.ഐ അരുണ്‍ദാസിന്റെ നേതൃത്വത്തില്‍ പൊലിസ് സംഘം അന്വേഷണം ആരംഭിച്ചു. മോഷണം തുടര്‍ക്കഥയായതോടെ ടൗണിലെ വ്യാപാരികള്‍ ആശങ്കയിലാണ്.