നെടുമങ്ങാട്: ആര്യനാട് പി.ഡബ്ല്യൂ.ഡി റസ്റ്റ് ഹൗസില്‍ നിന്നും താല്‍ക്കാലിക ജീവനക്കാരനായ മണിക്കുട്ടനെ പിരിച്ചുവിട്ടതില്‍ പ്രതിഷേധിച്ച് പി.ഡബ്ല്യൂ.ഡി. ഓഫിസിന് മുന്നില്‍ നടത്തിവന്ന നിരാഹാര സമരം അവസാനിപ്പിച്ചു. കഴിഞ്ഞ ഒന്‍പത് വര്‍ഷമായി താല്‍ക്കാലിക ജോലി നോക്കി വന്ന മണിക്കുട്ടനെ അകാരണമായി പിരിച്ച് വിട്ടതിനെ തുടര്‍ന്നാണ് സമരം ആരംഭിച്ചത്. തുടര്‍ന്ന് ആര്യനാട് സര്‍ക്കിള്‍ ഇന്‍സ്‌പെകടര്‍ അനില്‍കുമാര്‍ പി.ഡബ്ല്യൂ.ഡി ഉദ്യോഗസ്ഥരുമായി  നടത്തിയ ചര്‍ച്ചയില്‍ ഒഴിവുവരുന്ന മുറയ്ക്ക് തിരികെ ജോലിയില്‍ പ്രവേശിപ്പിക്കാമെന്ന ഉറപ്പിന്‍മേല്‍ സമരം അവസാനിപ്പിക്കുകയായിരുന്നു.