കണ്ണൂര്‍: ആര്‍.എസ്.എസിന്റെ വളര്‍ച്ചക്ക് ഇടതുഭരണം കാരണമാകുന്നതെന്ന ആര്‍.എസ്.എസ് സംഘടനാ വിശകലനം മാധ്യമങ്ങളിലൂടെ പുറത്തുവരുമ്പോള്‍ സി.പി.എമ്മിന്റെ രാഷ്ട്രീയ കാപട്യം കൂടിയാണ് പുറത്തുവരുന്നതെന്ന് ഡി.സി.സി പ്രസിഡന്റ് സതീശന്‍ പാച്ചേനി. കോണ്‍ഗ്രസിനെ തളര്‍ത്താന്‍ സി.പി.എമ്മും ആര്‍.എസ്.എസും രഹസ്യ അജണ്ട വച്ച് പ്രവര്‍ത്തിക്കുകയാണ്. കേരളത്തില്‍ സംഘപരിവാര്‍ സംഘടനകളുടെ എല്ലാ പ്രവര്‍ത്തനങ്ങള്‍ക്കും സഹായഹസ്തം നല്‍കി ആര്‍.എസ്.എസിന്റെ ഗൂഢതാല്‍പര്യത്തിന് രാഷ്ട്രീയ പിന്‍ബലം നല്‍കുന്ന നടപടികളുമായി മുന്നോട്ട് പോവുകയാണ് സി.പി.എം ചെയ്യുന്നതെന്നും പാച്ചേനി പ്രസ്താവനയില്‍ ആരോപിച്ചു.