തിരുവനന്തപുരം: എസ്.കെ.എസ്.എസ്.എഫ് ത്വലബാ വിങ് തിരുവനന്തപുരം ജില്ലാ കമ്മിറ്റിയുടെ നേതൃത്വത്തില്‍ എസ്.എസ്.എല്‍.സി കഴിഞ്ഞ വിദ്യാര്‍ഥികള്‍ക്കായി പ്രസ് ക്ലബില്‍ കരിയര്‍ ഗൈഡന്‍സ് ക്ലാസ് സംഘടിപ്പിച്ചു. സമസ്ത കേരളാ ജംഇയ്യത്തുല്‍ ഉലമാ രക്ഷാധികാരി സഈദ് മുസ്‌ലിയാര്‍ വിഴിഞ്ഞം പരിപാടി ഉദ്ഘാടനം ചെയ്തു. പ്രശസ്ത ഹിപ്‌നോതെറാപ്പിസ്റ്റ് സാഹിദ് മാഷ് പയ്യന്നൂര്‍ 'എന്ത് പഠിക്കാം' എന്ന വിഷയത്തിലും പ്രമുഖ കരിയര്‍ ഗൈഡ് പ്രഫ.ഷെമീര്‍ പെരിങ്ങമ്മല 'എങ്ങനെ പഠിക്കാം' എന്ന വിഷയത്തിലും റഫീഖ് വാഫി 'എന്തിന് പഠിക്കാം' എന്ന വിഷയത്തിലും ക്ലാസെടുത്തു.
യോഗത്തില്‍ സമസ്ത തിരുവനന്തപുരം ജില്ലാ പ്രസിഡന്റ് ഷാജഹാന്‍ ദാരിമി പനവൂര്‍, ജില്ലാ ട്രഷറര്‍ കെ.എച്ച് നസീര്‍ ഖാന്‍ ഫൈസി, അഹ്മദ് റഷാദി ചുള്ളിമാനൂര്‍, അഡ്വ.ഹസീം മുഹമ്മദ്, ത്വലബാ വിംഗ് ജില്ല ചെയര്‍മാന്‍ ഷെഫീഖ് മുസ്‌ലിയാര്‍ കല്ലമ്പലം, ജില്ല കണ്‍വീനര്‍ അംജദ് ഖാന്‍ വാഫി പാച്ചിറ, സംസ്ഥാന സമിതി അംഗം മുഹമ്മദ് ജുറൈജ് കണിയാപുരം, ഇസ്മാഈല്‍ ബീമാപള്ളി, ജുബൈര്‍ വള്ളക്കടവ്,ഐമന്‍ സഈദ് വിഴിഞ്ഞം, നജ്മുദ്ധീന്‍ ബീമാപള്ളി, തന്‍സീല്‍ പള്ളിനട, അബ്ദുല്‍ ഫത്താഹ് ബീമാപള്ളി, അല്‍ അമീന്‍ വിഴിഞ്ഞം എന്നിവര്‍ സംസാരിച്ചു.