കാസര്‍കോട്: കര്‍ണാടകയുമായി അതിര്‍ത്തി പങ്കിടുന്നത് 41 ബൂത്തുകള്‍. ഈ ബൂത്തുകളിലായി ആകെ 43,689 വോട്ടര്‍മാരാണുള്ളത്. ഏറ്റവും കൂടുതല്‍ വോട്ടര്‍മാരുള്ള (1317 വോട്ടര്‍മാര്‍) അതിര്‍ത്തി ബൂത്ത് മഞ്ചേശ്വരത്തെ ബാഡൂര്‍ വില്ലേജിലെ കണ്ടല്‍ എ.എല്‍.പി സ്‌കൂളിലെ 163ാം ബൂത്തിലും ഏറ്റവും കുറവ് (610 പേര്‍) ദേലംപാടി വില്ലേജ് ഓഫിസിലെ 64ാം നമ്പര്‍ ബൂത്തിലുമാണ്. മഞ്ചേശ്വരം മണ്ഡലത്തില്‍ 19 അതിര്‍ത്തി ബൂത്തുകളുണ്ട്. കാസര്‍കോട് 6 ബൂത്തുകളും ഉദുമയില്‍ എട്ടും, കാഞ്ഞങ്ങാട് നാലും തൃക്കരിപ്പൂരില്‍ നാലു ബൂത്തുകളും അതിര്‍ത്തി പങ്കിടുന്നു.
വോര്‍ക്കാടി, ദേലംപാടി ഗ്രാമപഞ്ചായത്തുകളിലാണ് ഏറ്റവും കൂടുതല്‍ അതിര്‍ത്തി ബൂത്തുകളുള്ളത്. ആറു ബൂത്തുകള്‍ വീതമാണ് ഈ പഞ്ചായത്തുകളില്‍ അതിര്‍ത്തി പങ്കിടുന്നത്. മഞ്ചേശ്വരം പൊലിസ് സ്റ്റേഷന്‍ പരിധിയില്‍ 13 അതിര്‍ത്തി ബൂത്തുകളും ആദൂര്‍ പരിധിയില്‍ 12, ബദിയടുക്ക പരിധിയില്‍ അഞ്ചും ചിറ്റാരിക്കലില്‍ നാലും കുമ്പളയില്‍ ഒന്നും ബേഡകം, രാജപുരം, വെള്ളരിക്കുണ്ടില്‍ രണ്ട് വീതവും അതിര്‍ത്തി ബൂത്തുകളാണുള്ളത്.