തിരുവനന്തപുരം: ബാറ്റ് (ബീറ്റ എയ്‌സ് ടെക്‌നിക്‌സ്) ട്രിവാന്‍ഡ്രം ടെന്നീസ് ക്ലബ്ബുമായി ചേര്‍ന്ന് സംഘടിപ്പിക്കുന്ന ബാറ്റ്- ടി.ടി.സി ഓള്‍ കേരള മിനി ഓപ്പണ്‍ ടെന്നീസ് ടൂര്‍ണമെന്റിനു തുടക്കമായി.
ട്രിവാന്‍ഡ്രം ടെന്നീസ് ക്ലബ്ബില്‍ നടക്കുന്ന ടൂര്‍ണമെന്റ് ഇന്നലെ രാവിലെ തിരുവനന്തപുരം സബ് കലക്ടര്‍ ഡോ. ദിവ്യ എസ്. അയ്യര്‍ ഉദ്ഘാടനം ചെയ്തു. ജെ. രാജ്‌മോഹന്‍ പിള്ള ചടങ്ങില്‍ അധ്യക്ഷനായി. ബിജു ബി. സോമന്‍, എം.എസ് കൃഷ്ണകുമാര്‍, കെ. ഷാജി, ആര്‍. ജയപ്രകാശ് തുടങ്ങിയവര്‍ സംസാരിച്ചു. അണ്ടണ്ടര്‍-7, അണ്ടണ്ടര്‍-9, അണ്ടണ്ടര്‍- 11 എന്നീവിഭാഗങ്ങളിലായി നടക്കുന്ന മത്സരങ്ങളില്‍ 150ഓളം കുട്ടികളാണ് പങ്കെടുക്കുന്നത്. മൂന്ന് വിഭാഗങ്ങളിലെയും ലീഗ് മത്സരങ്ങള്‍ ഇന്നലെ സമാപിച്ചു. സെമി ഫൈനല്‍, ഫൈനല്‍ മത്സരങ്ങള്‍ ഇന്ന് നടക്കും.