ലോകത്തെ നടുക്കിക്കൊണ്ടാണ് ഫ്രാന്‍സിലെ തീര നഗരമായ നീസില്‍ വീണ്ടും ഭീകരാക്രമണമുണ്ടായത്. മുറിവുകള്‍ ഉണങ്ങും മുന്‍പെ വീണ്ടും വീണ്ടും അക്രമികളുടെ ക്രൂരതയ്ക്ക് സാക്ഷ്യം വഹിക്കുകയാണ് ലോകം. ദേശീയ ദിനാഘോഷങ്ങളില്‍ പങ്കെടുക്കാനെത്തിയവരാണ് നീസില്‍ കൊല്ലപ്പെട്ടത്. അക്രമിയെ പൊലിസ് വെടിവെച്ചു കൊന്നു. എട്ടു മാസങ്ങള്‍ക്കു മുന്‍പ് പാരിസില്‍ ഐ.എസ് നടത്തിയ ആക്രമത്തില്‍ 130 പേരാണ് കൊല്ലപ്പെട്ടത്.