കാസര്‍കോട്: ജില്ലാ പ്രവാസി ലീഗിന്റെ ആഭിമുഖ്യത്തില്‍ നാളെ ഉച്ചയ്ക്ക് 2.30 ന് കാസര്‍കോട് മുനിസിപ്പല്‍ വനിതാ ഭവന്‍ ഹാളില്‍ സമരസംഗമം സംഘടിപ്പിക്കും. പ്രവാസി പുനരധിവാസത്തിന് പ്രത്യേക പാക്കേജ് അനുവദിക്കുക, പ്രവാസികള്‍ക്ക് ദേശീയതലത്തില്‍ ഇന്‍ഷൂറന്‍സും ക്ഷേമ പെന്‍ഷന്‍ പദ്ധതികളും ആവിഷ്‌ക്കരിക്കുക, പ്രവാസ കുടിയേറ്റ നിയമം പരിഷ്‌കരിക്കുക തുടങ്ങി പ്രവാസി സമൂഹത്തിന്റെ അവകാശങ്ങള്‍ അനുവദിച്ചു നല്‍കണമെന്നാവശ്യപ്പെട്ട് ഓഗസ്റ്റ് എട്ടിന് കേരള പ്രവാസി ലീഗ് നടത്തുന്ന പാര്‍ലിമെന്റ് മാര്‍ച്ചിന്റെ പ്രചരണാര്‍ഥമാണ് സംഗമം സംഘടിപ്പിക്കുന്നത്.