കൊല്ലം: അറബിക് സര്‍വകലാശാല യാഥാര്‍ഥ്യമാക്കുന്നതില്‍ കാണിച്ച വഞ്ചനാപരമായ  നയമാണ് ഉമ്മന്‍ചാണ്ടി സര്‍ക്കാരിന്റെ പരാജയ കാരണമായതെന്ന് കൊല്ലത്ത് ചേര്‍ന്ന ആക്ഷന്‍ കൗണ്‍സില്‍ അഭിപ്രായപ്പെട്ടു. ഈ വിഷയത്തില്‍ മുഖ്യമന്ത്രിയെ നേരില്‍ക്കണ്ട് ചര്‍ച്ച നടത്താനും യോഗം തീരുമാനിച്ചു.
 ആക്ഷന്‍ കൗണ്‍സില്‍ ചെയര്‍മാന്‍ എം.എ.സമദിന്റെ അദ്ധ്യക്ഷതയില്‍ നടന്ന യോഗം ലീഗല്‍ അഡൈ്വസര്‍ കെ.പി.മുഹമ്മദ് ഉദ്ഘാടനം ചെയ്തു. ദക്ഷിണ കേരള ജംഇയ്യത്തുല്‍ ഉലമാ സെക്രട്ടറി തേവലക്കര അലിയാരു കുഞ്ഞു മൗലവി, കര്‍ബല ട്രസ്റ്റ് ജനറല്‍ സെക്രട്ടറി ആസാദ് റഹീം, ജമാഅത്ത് ഫെഡറേഷന്‍ സെക്രട്ടറി എം.എ.അസീസ്, ആക്ഷന്‍ കൗണ്‍സില്‍ ഭാരവാഹികളായ ഡോ.എം.എസ്.മൗലവി, ഡോ.നിസാറുദ്ദീന്‍, എം.ഇമാമുദ്ദീന്‍, ഡോ.എസ്.എ.ഷാനവാസ് തുടങ്ങിയവര്‍  പങ്കെടുത്തു.