പറവൂര്‍: ജി.എസ്.ടി നിലവില്‍ വന്നതോടെ കരാറുകാര്‍ക്കുണ്ടായ അധിക ബാധ്യത പരിഹരിയ്ക്കാന്‍ നടപടികളില്ലാത്തതില്‍ പ്രതിഷേധിച്ച് ഇടത്തരംചെറുകിട കരാറുകാര്‍ ടെണ്ടര്‍ നടപടികള്‍ ബഹിഷ്‌ക്കക്കരിയ്ക്കാന്‍ തുടങ്ങി. ഇതിന്റെ ഭാഗമായി ചിറ്റാറ്റുകര ഗ്രാമപഞ്ചായത്തില്‍ വ്യാഴാഴ്ച്ച നടന്ന പൊതുമരാമത്ത് പ്രവൃത്തികളുടെ ടെണ്ടറുകളില്‍ നിന്നും കരാറുകാര്‍ വിട്ടു നിന്നു.
ഇവിടെ ഇരുപത്തിയന്നോളം പ്രവൃത്തികളിന്‍മേലാണ് ടെണ്ടര്‍ ക്ഷണിച്ചിരുന്നത്.ഇതില്‍ ഒന്നു പോലും കരാറുകാര്‍ ഏറ്റെടുക്കാന്‍ മുന്നോട്ടുവന്നില്ല.ജി.എസ്.ടി നിലവില്‍ വന്നപ്പോള്‍ കരാറുകാരുടെ അധിക ബാധ്യത പരിഹരിയ്ക്കാനായി പ്രഖ്യാപിച്ച പാക്കേജ് ഇപ്പോഴും കടലാസില്‍ മാത്രമായി നിലനില്ക്കുന്നു. പാക്കേജ് പ്രകാരമുള്ള ഒരു ആനുകൂല്യവും ഇത് വരെ കരാറുകാര്‍ക്കു നല്കിയിട്ടില്ല. ജി.എസ്.ടി നിലവില്‍ വരുന്നതിനു് മുമ്പു നാലു ശതമാനം മാത്രം സെയില്‍സ് ടാകസ് നല്കിയിരുന്നത്. ഇപ്പോള്‍ 12 ശതമാനം ജി.എസ്.ടി നല്‍കേണ്ട ഗതികേടിലാണ്. ടാറിങ് ജോലികള്‍ക്കായുള്ള ടാര്‍ വാങ്ങുമ്പോള്‍ കാലി വീപ്പയുടെ തുക കരാറുകാരില്‍ നിന്നും വാങ്ങേണ്ടതില്ലെന്ന മന്ത്രിതല ചര്‍ച്ചയിലുണ്ടായ തീരുമാനമെടുത്തിരുന്നു. എന്നാല്‍ ഇക്കാര്യത്തിലും തീരുമാനം നടപ്പിലായില്ല.
മെറ്റല്‍, എം സാന്റ് എന്നിവയുടെ വിലയിലുണ്ടായ വന്‍ വര്‍ധനവിനനുസരിച്ച് എസ്റ്റിമേറ്റില്‍ വര്‍ദ്ധനവ് വേണമെന്നാവശ്യവും ഇത് വരെയും അംഗികരിച്ചിട്ടില്ല. ഇവയുടെ വില ജില്ലാ തലത്തില്‍ ഏകികരിയ്ക്കാനുള്ള നടപടികള്‍ വേണം.
ഇതിന് കലക്ടര്‍ മുന്‍കൈയ്യെടുക്കണമെന്നും കരാറുകാര്‍ ആവശ്യപ്പെട്ടിരുന്നു. ഇടത്തരംചെറുകിട കരാറുകാരെ ബുദ്ധിമുട്ടിയ്ക്കുന്ന ഒട്ടേറെ നടപടികള്‍ തലത്തിലുണ്ടായി കൊണ്ടിരിയ്ക്കത്തതിനാല്‍ ഈ മേഖലയിലുള്ളവരുടെ നിലനില്‍പ്പ് പ്പോലും അപകടത്തിലായിരിയ്ക്കുന്നു.
ഇതേ തുടര്‍ത്താണ് തിങ്കളാഴ്ച മുതല്‍ കരാറുകള്‍ ബഹിഷ്‌ക്കരിയ്ക്കാന്‍ കരാറുകാരുടെ സംയുക്ത സമരസമിതി തിരുമാനിച്ചത്.പ്രശ്‌നങ്ങള്‍ പരിഹരിച്ചാല്‍ എല്ലാ ജോലികളും സമയബന്ധിതമായി ചെയ്ത് തീര്‍ക്കാന്‍ കരാറുകാര്‍ തയ്യാറാണെന്നും സംയുക്ത സമരസമിതി ചെയര്‍മാന്‍ ഒ.പി ബിജുവും കണ്‍വീനര്‍ കെ.എസ് ശ്രീനിവാസനും അറിയിച്ചു.