തുറവൂര്‍: ടിപ്പറിന് പിന്നിലിടിച്ച് നിയന്ത്രണംതെറ്റിയ ലോറി പെട്ടിക്കടയില്‍ ഇടിച്ചു കയറി ഡ്രൈവര്‍ക്ക് ഗുരുതര പരുക്ക്.
പഞ്ചാബ് സ്വദേശിയായ ഹര്‍ബേ ന്ദ്ര സിംഗാ (35) ണ് പരുക്കേറ്റത്.ദേശീയപാതയില്‍ വയലാര്‍ കവലയ്ക്ക് സമീപം ഇന്നലെ പുലര്‍ച്ചയോടെയാണ് അപകടം. വടക്ക് ഭാഗത്ത് നിന്നും വന്ന ടിന്‍ ഷീറ്റ് പൈപ്പ് കയറ്റിയ ലോറി മുന്‍ ഭാഗത്തെ ടിപ്പറിലിടിച്ച് നിയന്ത്രണംതെറ്റി ദേശീയപാതയോരത്തെ പെട്ടിക്കടയില്‍ ഇടിച്ചു കയറ്റുകയായിരുന്നു. ഇടിയുടെ ആഘാതത്തില്‍ ലോറിയുടെ ക്യാബിന്റെ പിന്‍ഭാഗം തകര്‍ന്ന് ടിന്‍ ഷീറ്റുകള്‍ മുന്നിലെ ഗ്ലാസുകള്‍ തകര്‍ത്ത് പുറത്തുവന്ന നിലയിലായിലായിരുന്നു.
ഗ്ലാസ് ചീളുകള്‍ കഴുത്തില്‍ തുളച്ചു കയറിയ നിലയില്‍ ഡ്രൈവര്‍ സീറ്റിനടിയില്‍പ്പെട്ട് ഹര്‍ബേന്ദ്ര സിംഗിനെ നാട്ടുകാരും പട്ടണക്കാട് പോലിസും ചേര്‍ന്ന് ക്വാബിന്‍ പൊളിച്ചു പുറത്തെടുക്കുകയായിരുന്നു. ഗുരുതരമായി പരിക്കേറ്റ ഇയാളെ ആദ്യം ചേര്‍ത്തല താലൂക്കാശുപത്രിയിലും പിന്നിട് ആലപ്പുഴ മെഡിക്കല്‍ കോളേജിലും പ്രവേശിപ്പിച്ചു. ചേര്‍ത്തലയില്‍ നിന്നും രണ്ട് യൂണിറ്റ് ഫയര്‍ ഫോഴ്‌സ് അപകടസ്ഥലത്തെത്തിയിരുന്നു. അപകടത്തെ തുടര്‍ന്ന് ദേശീയ പാതയില്‍ അരമണികൂറോളം ഗതാഗതം നിലച്ചു.