അങ്കമാലി: കനത്ത വരള്‍ച്ച നേരിടാന്‍ പ്രദേശിക തലങ്ങളില്‍ കുളങ്ങളും മറ്റും സംരക്ഷിക്കേണ്ടത് കാലഘട്ടത്തിന്റെ ആവശ്യമായി വന്നിരിക്കുകയാണന്ന് ജലവിഭവ മന്ത്രി മാത്യു ടി തോമസ് പറഞ്ഞു.
ഇടമലയാര്‍ കനാലിലൂടെ കിടങ്ങൂര്‍ വരെ എത്തി ചേര്‍ന്നിരിക്കുന്ന വെള്ളം അങ്കമാലി നഗരസഭയിലേയ്ക്ക് കടത്തിവിടുന്നത് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വെള്ളം സംരക്ഷിക്കുവാന്‍ കഴിഞ്ഞില്ലങ്കില്‍ വരും കാലങ്ങളില്‍ കനത്ത വരള്‍ച്ച നേരിടേണ്ടി വരും. ജലസംരക്ഷണത്തിന്റെ ഭാഗമായി കുളങ്ങളും മറ്റും സംരക്ഷിക്കുവാന്‍ വിവിധ പദ്ധതികളാണ് സംസ്ഥാന സര്‍ക്കാര്‍ നടപ്പിലാക്കി വരുന്നതെന്നും മന്ത്രി വ്യക്തമാക്കി. ചടങ്ങില്‍ അങ്കമാലി ബ്ലോക്ക് പഞ്ചായത്ത് പ്രസിഡന്റ് പി ടി പോള്‍ , അങ്കമാലി നഗരസഭ ചെയര്‍പേഴ്‌സണ്‍ എം.എ ഗ്രേയ്‌സി, തുറവുര്‍ ഗ്രാമപഞ്ചായത്ത് പ്രസിഡന്റ് കെ വൈ വര്‍ഗീസ് ,കാലടി ഗ്രാമപഞ്ചായത്ത് പ്രസിഡന്റ് കെ തുളസി ടിച്ചര്‍ , നഗരസഭ കൗണ്‍സിലര്‍ ബിജി റെജി ,ബ്ലോക്ക് പഞ്ചായത്ത് അംഗം എല്‍സി വര്‍ഗീസ്, ഗ്രാമ പഞ്ചായത്ത് അംഗങ്ങളായ എം എ ജയ്‌സണ്‍ ,ജോസ്ഥ് പാറേക്കാട്ടില്‍ തുടങ്ങിയവര്‍ ചടങ്ങില്‍ പങ്കെടുത്തു.