മട്ടാഞ്ചേരി: ഇന്ത്യന്‍ കൗണ്‍സില്‍ ഫോര്‍ അഗ്രികള്‍ച്ചറല്‍ റിസര്‍ച്ചിന്റെ കീഴിലുള്ള കൊച്ചിയിലെ സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് ഫിഷറീസ് ടെക്‌നോളജി സ്ഥാപിതമായിട്ട് അറുപത് വര്‍ഷം തികയുന്നത് പ്രമാണിച്ച് വിപുലമായ രീതിയില്‍ ഡയമണ്ട് ജൂബിലി ആഘോഷിക്കും. 24ന് സയന്റിഫിക് ടോക്കോടെ പിപാടികള്‍ ആരംഭിക്കും. 25ന് ഇന്‍ഡസ് ത്രി മീറ്റും 26 ന് ശില്‍പശാലയും 27ന് ഓപ്പണ്‍ ഹൗസും 28ന് പെയ്ന്റിഗ്, ക്വിസ് മത്സരങ്ങള്‍ എന്നിവയും നടത്തും. 29ന് ഡയമണ്ട് ജൂബിലി ഫൗണ്ടേഷന്‍ ഡേ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.
മത്സ്യ ബന്ധന  സംസ്‌ക്കരണ മേഖലകളില്‍ ഇതിനകം അഭിമാനാര്‍ഹമായ ഗവേഷണ വികസന പ്രവര്‍ത്തനങ്ങള്‍ നടത്താന്‍ കഴിഞ്ഞതായും ജനോപകാരപ്രദമായ രീതിയില്‍ ഇനിയും പ്രവര്‍ത്തനങ്ങള്‍ ഊര്‍ജിതപ്പെടുത്തുമെന്നും ഡയറക്ടര്‍ ഡോ.സി.എന്‍ രവിശങ്കര്‍ വാര്‍ത്ത സമ്മേളനത്തില്‍ അറിയിച്ചു.