തുറവൂര്‍: മണ്ണ് പര്യവേക്ഷണ മണ്ണ് സംരക്ഷണ വകുപ്പ് നബാര്‍ഡിന്റെ സാമ്പത്തിക സഹായത്തോടെ പൊന്നാം വെളിത്തോട് വെള്ളക്കെട്ടു നിവാരണ പദ്ധതി നടപ്പാക്കുന്നു.
നൂറ്റിയഞ്ച് ലക്ഷം രൂപയാണ് പദ്ധതി ചെലവ്.പൊന്നാം വെളിപാലത്തിനോട് ചേര്‍ന്ന് കിഴക്കോട്ടുള്ള തോടിന്റെ ഇരുവശങ്ങളിലുമായി നൂറു ഹെക്ടറോളമുള്ള കാര്‍ഷിക യോഗ്യമായ പുരയിടങ്ങളും മറ്റും സംരക്ഷിക്കുകയാണ് പദ്ധതിയുടെ ലക്ഷ്യം. തോടിന്റെ ഇരുകരകളിലുമായി 10 35 മീറ്റര്‍ നീളത്തില്‍, രണ്ട് മീറ്റര്‍ ഉയരമുള്ള സംരക്ഷണഭിത്തിയും 10 പടികളും നിര്‍മിക്കും. 500 മീറ്റര്‍ നീളത്തില്‍ തോടിന്റെ ആഴവും കൂട്ടും. പദ്ധതിയുടെ കാലാവധി മൂന്ന് വര്‍ഷമാണ് ഉദ്ഘാടനം 24 ന് രാവിലെ 11ന് പട്ടണക്കാട് ബ്ലോക്ക് പഞ്ചായത്ത് ഹാളില്‍ കൃഷിമന്ത്രി വി.എസ്.സുനില്‍കുമാര്‍ നിര്‍വഹിക്കും.
സമ്മേളനത്തില്‍ മന്ത്രി പി.തിലോത്തമന്‍ അധ്യക്ഷത വഹിക്കും.കേന്ദ്രാവിഷ്‌കൃകൃത സോയില്‍ ഹെല്‍ത്ത് കാര്‍ഡ് വിതരണവും മന്ത്രി പി.തിലോത്തമന്‍ നിര്‍വഹിക്കും. പ്രിന്‍സിപ്പല്‍ സെക്രട്ടറി രാജു നാരായണസ്വാമി പദ്ധതി വിശദീകരിക്കും. ജില്ലാ പഞ്ചായത്ത് പ്രസിഡന്റ് ജി.വേണുഗോപാല്‍ മുഖ്യ പ്രഭാഷണം നടത്തും. പട്ടണക്കാട് ബ്ലോക്ക് പഞ്ചായത്ത് പ്രസിഡന്റ് വത്സല തമ്പി ,ജില്ലാ പഞ്ചായത്തംഗങ്ങളായ സജിമോള്‍ ഫ്രാന്‍സിസ്, സന്ധ്യാ ബെന്നി ,പഞ്ചായത്ത് പ്രസിഡന്റുമാരായ ബി.രത്‌നമ്മ, എസ്.റ്റി.ശ്യാമളകുമാരി, സൂസണ്‍ സെബാസ്റ്റ്യന്‍ ,പ്രേമരാജപ്പന്‍, അനിതസോമന്‍, റ്റി.എം.ഷെരീഫ്, സി എസ്.. ബാഹുലേയന്‍, പട്ടണക്കാട് ബ്ലോക്ക് പഞ്ചായത്തംഗം റ്റി.എച്ച്.സലാം, മണ്ണ് പര്യവേഷണ വകുപ്പ് ഡയറക്ടര്‍ ജസ്റ്റിന്‍ മോഹന്‍, ജില്ലാ മണ്ണ് സംരക്ഷണ ഓഫീസര്‍ എസ്.മഞ്ജു എന്നിവര്‍ പ്രസംഗിക്കും