ചങ്ങനാശേരി: മെത്രാഭിഷേകത്തോട് അനുബന്ധിച്ച് വിവിധ ഇടവകകളില്‍ നിന്നും വരുന്ന വാഹനങ്ങള്‍ ഉച്ചയ്ക്കു ശേഷം 1.30നു മുന്‍പായി പാര്‍ക്കിംഗ് സ്ഥലങ്ങളില്‍ എത്തിച്ചേരണം.
കോട്ടയം, അതിരമ്പുഴ, കുടമാളൂര്‍, നെടുംകുന്നം, മണിമല ഫൊറോനാകളില്‍ നിന്നും ഒന്നു മുപ്പതിനു മുന്‍പായി എത്തിച്ചേരുന്ന വാഹനങ്ങള്‍ എം.സി റോഡിലൂടെ സെന്‍ട്രല്‍ ജങ്ഷന്‍ വഴി പൊലിസ് സ്‌റ്റേഷന് മുന്‍പിലെത്തി ആളുകളെ ഇറക്കി മാര്‍ക്കറ്റ് റോഡില്‍ പാര്‍ക്കു ചെയ്യുക.
തെക്കന്‍ മേഖലയില്‍ നിന്നു വരുന്ന വാഹനങ്ങളും ആലപ്പുഴ മേഖലയില്‍ നിന്നു വരുന്ന വാഹനങ്ങളും എം.സി റോഡിലൂടെ പോസ്റ്റ് ഓഫിസ് ജങ്ഷനില്‍ നിന്ന് ഇടത്തോട്ട് തിരിഞ്ഞ് റ്റി.ബി റോഡിലൂടെ മുനിസിപ്പല്‍ സ്‌റ്റേഡിയത്തില്‍ എത്തി അവിടെ പാര്‍ക്ക് ചെയ്യുക.
 ചങ്ങനാശേരി, തൃക്കൊടിത്താനം, കുറുമ്പനാടം എന്നീ ഫൊറോനാകളില്‍ നിന്നും വരുന്ന വാഹനങ്ങള്‍ ബൈപ്പാസിലൂടെ എന്‍.എസ്.എസ് കോളേജിനു സമീപം എത്തിച്ചേര്‍ന്ന് എം.സി റോഡിലൂടെ പോസ്‌റ്റോഫിസ് ജംഗ്ഷന്‍ വഴി മുനിസിപ്പല്‍ സ്‌റ്റേഡിയത്തില്‍ എത്തി അവിടെ പാര്‍ക്ക് ചെയ്യുക.
അഭി. മെത്രാന്മാരുടെയും, വികാരി ജനറാളന്മാരുടെയും വിശിഷ്ട വ്യക്തികളുടെയും വാഹനങ്ങള്‍ സെന്‍ട്രല്‍ ജങ്ഷന്‍ വഴി കത്തീഡ്രല്‍ മൈതാനത്തില്‍ എത്തി ആളുകളെ ഇറക്കി അവിടെ പാര്‍ക്ക് ചെയ്യുക.