തിരുവനന്തപുരം: സി.ഐ.എസ്.എഫ് ജവാന്മാര്‍ക്ക് കൊവിഡ് സ്ഥിരീകരിച്ച സാഹചര്യത്തില്‍ ജവാന്മാരുടെ ക്ഷേമം ഉറപ്പാക്കുന്നതിനും അവര്‍ക്ക് ആശ്വാസം പകരുന്നതിനുമായി മുതിര്‍ന്ന സി.ഐ.എസ്.എഫ് ഉദ്യോഗസ്ഥനെ കണ്ണൂരിലേയ്ക്ക് ഉടന്‍ അയയ്ക്കും.

സംസ്ഥാന പൊലിസ് മേധാവി ലോക്‌നാഥ് ബെഹ്‌റയുടെ അഭ്യര്‍ഥന പ്രകാരമാണ് നടപടിയെന്ന് സി.ഐ.എസ്.എഫ് ഡയറക്ടര്‍ ജനറല്‍ അറിയിച്ചു.കണ്ണൂര്‍ ഡി.ഐ.ജി കെ.സേതുരാമന്‍, എസ്.പി ജി.എച്ച് യതീഷ് ചന്ദ്ര എന്നിവര്‍ കണ്ണൂര്‍ വിമാനത്താവളവും സി.ഐ.എസ്.എഫ് ബാരക്കുകളും സന്ദര്‍ശിക്കും.