ഗൂഡല്ലൂര്‍: കഞ്ചാവ് വില്‍പനക്കിടെ യുവാവ് പൊലിസ് പിടിയില്‍. കൊളപ്പള്ളി സ്വദേശി ചന്ദ്രന്‍ (31)ആണ് പിടിയിലായത്. ഇയാളില്‍ നിന്ന് ഒരു കിലോ കഞ്ചാവും പൊലിസ് പിടിച്ചെടുത്തിട്ടുണ്ട്. രഹസ്യവിവരത്തെ തുടര്‍ന്ന് അയ്യംകൊല്ലി ടൗണില്‍ വച്ചാണ് ചന്ദ്രനെ പൊലിസ് വലയിലാക്കിയത്. അയ്യംകൊല്ലി, കൊളപ്പള്ളി ഭാഗങ്ങളിലെ സ്‌കൂള്‍, കോളജ് വിദ്യാര്‍ഥികള്‍ക്ക് കഞ്ചാവ് വില്‍ക്കുന്നത് ചന്ദ്രനാണെന്ന് പൊലിസിന് വിവരം ലഭിച്ചിരുന്നു. ചേരമ്പാടി എസ്.ഐ രാജുവിന്റെ നേതൃത്വത്തിലുള്ള പൊലിസ് സംഘം ഇയാളെ പിടികൂടിയത്.