കൊച്ചി: കണ്ടക്ടര്‍ക്ക് കൊവിഡ് സ്ഥിരീകരിച്ച സാഹചര്യത്തില്‍ അങ്കമാലി കെ.എസ്.ആര്‍.ടി.സി ഡിപ്പോ അടച്ചു. അങ്കമാലി ഡിപ്പോയില്‍ ജോലി ചെയ്തിരുന്ന മലപ്പുറം മങ്കട സ്വദേശിയായ കണ്ടക്ടര്‍ക്കാണ് കൊവിഡ് സ്ഥിരീകരിച്ചത്.

അങ്കമാലി-ആലുവ റൂട്ടിലെ ബസില്‍ ഡ്യൂട്ടി ചെയ്ത ശേഷം 26 ന് ഇദ്ദേഹം നാട്ടിലേക്ക് പോയിരുന്നു. തുടര്‍ന്ന് രോഗലക്ഷണങ്ങളെത്തുടര്‍ന്ന് പരിശോധനയ്ക്ക് വിധേയനാവുകയായിരുന്നു. ഇന്നലെയാണ് കൊവിഡ് സ്ഥിരീകരിച്ചത്.

ഡിപ്പോ അടച്ചതോടെ അങ്കമാലി ബസ് സ്റ്റാന്റില്‍ നിന്നുള്ള സര്‍വീസുകള്‍ പൂര്‍ണമായും നിര്‍ത്തി. ബസ് സ്റ്റാന്റും പരിസരവും അണുവിമുക്തമാക്കിയ ശേഷമായിരിക്കും ഇനി ഡിപ്പോ തുറക്കുക.