കരുനാഗപ്പള്ളി: കഴിഞ്ഞ ദിവസം സി.പി.എം ആര്‍.എസ്.എസ് പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍ ആശുപത്രി ജീവനക്കാര്‍ക്കും ആശുപത്രിക്കും നേരേ നടന്ന ആക്രമണത്തിനെതിരേ പ്രതിഷേധം ശക്തമായി.
പ്രതിഷേധ പ്രകടനത്തില്‍ ഡോക്ടര്‍മാര്‍, ആശുപത്രി ജീവനക്കാര്‍ തുടങ്ങി നിരവധിപേര്‍ പ്രതിഷേധ പ്രകടനത്തില്‍ പങ്കെടുത്തു. രാവിലെ 10ന് ഒ.പി ബഹിഷ്‌ക്കരിച്ചായിരുന്നു പ്രതിഷേധം.
ആര്‍. രാമചന്ദ്രന്‍ എം.എല്‍.എ, ആശുപത്രി സൂപ്രണ്ട് അല്‍ഫോന്‍സ്, എ.സി.പി.ബി വിനോദ്, സി.ഐ മുഹമ്മദ്ഷാഫി തുടങ്ങിയവരുടെ നേതൃത്വത്തില്‍ ആശുപത്രി ജീവനക്കാരും തമ്മില്‍ നടത്തിയ ചര്‍ച്ചയെ തുടര്‍ന്ന് പ്രതിഷേധം അവസാനിപ്പിക്കുകയായിരുന്നു.