ബെയ്ജിങ്: കൊവിഡ് മഹാമാരി ഒരു തീരാബാധയായി പിന്തുടരുമ്പോഴും മുസ്‌ലിം ന്യൂനപക്ഷത്തോടുള്ള അക്രമം അവസാനിപ്പിക്കാതെ ചൈന. രാജ്യത്തെ ഉയിഗൂര്‍ മുസ്‌ലിം വിഭാഗത്തിനുമേല്‍ ജനന നിയന്ത്രണം അടിച്ചേല്‍പിക്കുകയാണ് ചൈനീസ് ഭരണകൂടം. ഗര്‍ഭ നിരോധന മാര്‍ഗങ്ങള്‍ ഉപയോഗിക്കാന്‍ നിര്‍ബന്ധിക്കുക, സ്ത്രീകളെ ബലമായി വന്ധ്യംകരണത്തിന് വിധേയമാക്കുക തുടങ്ങിയ നിര്‍ദ്ദയമായ നടപടികളാണ് ഭരണകൂടത്തിന്റെ ഭാഗത്തു നിന്നുണ്ടാവുന്നതെന്ന് റിപ്പോര്‍ട്ടുകള്‍ പറയുന്നു. സാവകാശം വംശീയ ഉന്മൂലനം നടത്തുകയാണ് ഭരണകൂടമെന്നും റിപ്പോര്‍ട്ടില്‍ പറയുന്നു.

നേരത്തെയും ഭരണകൂടത്തിന്റെ ഭാഗത്തു നിന്ന് ഇത്തരം നീക്കങ്ങളുണ്ടായിരുന്നു. എന്നാല്‍ ഇത്തവണ മുമ്പ് അറിഞ്ഞതിനേക്കാള്‍ വളരെ വ്യാപകവും ആസൂത്രിതവുമായാണ് സര്‍ക്കാര്‍ കാര്യങ്ങള്‍ മുന്നോട്ടു നീക്കുന്നത്.