കുന്നംകുളം: രാജ്യത്തിന്റെ സ്വാതന്ത്ര്യ സമരത്തിനു വേണ്ടി ജനങ്ങള്‍ ഒരുമിച്ചു പോരാടുമ്പോള്‍ അതിനെതിരേ വിഭജനത്തിന്റെ രാഷ്ട്രീയമുയര്‍ത്തിയവരും സ്വാതന്ത്ര്യ സമരത്തെ ഒറ്റുകൊടുത്തവരുമാണ് സംഘ്പരിവാറെന്ന് വെല്‍ഫെയര്‍ പാര്‍ട്ടി സംസ്ഥാന സെക്രട്ടറി ശശി പന്തളം വ്യക്തമാക്കി.
വെല്‍ഫെയര്‍ പാര്‍ട്ടി ദേശീയ പ്രക്ഷോഭത്തിന്റെ ഭാഗമായി കുന്നംകുളം പ്രസ് ക്ലബില്‍ സംഘടിപ്പിച്ച വിദ്യാര്‍ഥി യുവജന സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
മണ്ഡലം പ്രസിഡന്റ് അഷറഫ് മങ്ങാട് അധ്യക്ഷനായി. വെല്‍ഫെയര്‍ പാര്‍ട്ടി വിദ്യാര്‍ഥി വിഭാഗം സംസ്ഥാന കോഡിനേറ്റര്‍ കെ.എസ് നിസാര്‍, ജില്ല കമ്മറ്റിയംഗം എം.എ കമറുദീന്‍ സംസാരിച്ചു.
മണ്ഡലം അസിസ്റ്റന്റ് സെക്രട്ടറി ഷെബീര്‍ അഹ്‌സന്‍ സ്വാഗതവും ക്യാംപയിന്‍ കണ്‍വീനര്‍ സി.എം അസീസ് നന്ദിയും പറഞ്ഞു.