ചെന്ത്രാപ്പിന്നി: ചെന്ത്രാപ്പിന്നി ആര്‍ട് ഓഫ് ലിവിങിന്റെ ആഭിമുഖ്യത്തില്‍ ചെന്ത്രാപ്പിന്നി പെരുമ്പടപ്പ് ഈസ്റ്റ് യു.പി സ്‌കൂള്‍ ഗ്രൗണ്ടില്‍ നടന്ന ജില്ലാ സബ് ജൂനിയര്‍ ത്രോബോള്‍ ചാംപ്യന്‍ഷിപ്പില്‍ അതിരപ്പിള്ളി വെട്ടിക്കുഴി നോട്ടര്‍ ഡേം സ്‌കൂളിന് ഇരട്ട വിജയം. ആണ്‍കുട്ടികളുടേയും പെണ്‍കുട്ടികളുടേയും മത്സരത്തില്‍ ജേതാക്കാളായാണ് നോട്ടര്‍ ഡേം സ്‌കൂള്‍ ഇരട്ട വിജയം കരസ്ഥമാക്കിയത്.
ആണ്‍കുട്ടികളുടെ വിഭാഗത്തില്‍ ചെന്ത്രാപ്പിന്നി ശ്രീ ശ്രീ സ്‌പോര്‍ട്‌സ് അക്കാദമി മൂന്നാം സ്ഥാനവും പെണ്‍കുട്ടികളുടെ വിഭാഗത്തില്‍  മൂന്നാം സ്ഥാനവും പെണ്‍കുട്ടികളുടെ വിഭാഗത്തില്‍ മൂന്നാം സ്ഥാനവും കരസ്ഥമാക്കി.
വിജയികള്‍ക്ക് തിലകന്‍ ബാബു മുണ്ടാമ്പുള്ളി ട്രോഫികള്‍ വിതരണം ചെയ്തു. ജില്ലാ സെക്രട്ടറി പി.സി രവി, അഖില്‍ അനിരുദ്ധന്‍, സിലിം എം.എ, വൈശാഖ് സുമന്‍കുമാര്‍ പി.എസ്, സുരേഷ്‌കുമാര്‍ മേനോത്ത് സംസാരിച്ചു.