പാലക്കാട് : നഗരത്തില്‍ വഴി തെറ്റിയ ബാലന് പൊലിസുകാര്‍ രക്ഷകരായി. ഇന്നലെ വൈകീട്ട് നാല് മണിയോടെയാണ് സംഭവം. സുല്‍ത്താന്‍പേട്ട് സിഗ്നലിന് സമീപം യൂണിഫോമിട്ട് ബാഗുമായെത്തിയ നാല് വയസ്സുകാരനെ സംശയാസ്പദമായ നിലയില്‍ കാണുകയായരുന്നു. പ്രദേശത്ത് പരിഭ്രാന്തിയോടെ കുറെ നേരം കണ്ട ബാലനെ സമീപത്തെ വ്യാപാരികള്‍ കൂട്ടിക്കൊണ്ടുപോയി കടയിലിരുത്തുകയും പൊലിസില്‍ വിവരം അറിയിക്കുകയുമായിരുന്നു, തുടര്‍ന്ന് പൊലിസ് സ്ഥലത്തെത്തി ബാലനോട് വിവരങ്ങള്‍ തിരക്കുകയും സ്‌റ്റേഷനിലേക്ക് കൂട്ടിക്കൊണ്ടുപോകുകയുമായിരുന്നു. കുട്ടിയെ കാണാതായ വിവരം രക്ഷിതാക്കള്‍ പൊലിസില്‍ പരാതി നല്‍കുന്നതിനനുസരിച്ച് കുട്ടിയെ വിട്ടു നല്‍കാനാണ് തീരുമാനമെന്ന് പൊലിസ് അറിയിച്ചു.