മണ്ണഞ്ചേരി: സമസ്ത കേരള സുന്നി ബാലവേദി സില്‍വര്‍ ജൂബിലി സമാപന സമ്മേളനത്തിന്റെ പ്രചാരണോദ്ഘാടനം സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ നിര്‍വഹിച്ചു. നന്മ കൊണ്ട് നാടൊരുക്കാം വിദ്യ കൊണ്ട് കൂടു തീര്‍ക്കാം എന്ന പ്രമേയത്തില്‍ ഡിസംബര്‍ 24,25,26 തിയതികളില്‍ മലപ്പുറം ബൈത്തുല്‍ ഹികമിലാണ് സമ്മേളനം നടക്കുന്നത്. റെയ്ഞ്ച് കേന്ദ്രങ്ങളില്‍ സംഘടിപ്പിക്കുന്ന ആരവം സില്‍വര്‍ ജൂബിലി പ്രചാരണ കാംപയിനിന്റെ പദ്ധതി പ്രഖ്യാപനവും തങ്ങള്‍ നിര്‍വഹിച്ചു.
സംസ്ഥാന വര്‍ക്കിങ് പ്രസിഡന്റ് ശഫീഖ് മണ്ണഞ്ചേരി അധ്യക്ഷനായി. ജനറല്‍ സെക്രട്ടറി അഫ്‌സല്‍ രാമന്തളി മുഖ്യപ്രഭാഷണം നടത്തി.
സയ്യിദ് സദഖത്തുല്ല തങ്ങള്‍ അരിമ്പ്ര, ടി.എച്ച് ജഅ്ഫര്‍ മൗലവി, യു.മുഹമ്മദ് ഹനീഫ ബാഖവി, സക്കീര്‍ ഹുസൈന്‍ അല്‍ അസ്ഹരി, എ.ഇബ്രാഹീം കുട്ടി മൗലവി, നിസാര്‍ പറമ്പന്‍, എം.മുജീബ് റഹ്മാന്‍ എന്നിവര്‍ സംസാരിച്ചു. സംസ്ഥാന സെക്രട്ടറി റിസാല്‍ദര്‍ അലി സ്വാഗതവും ജില്ലാ ജനറല്‍ സെക്രട്ടറി മുഹമ്മദ് മുബാഷ് നന്ദിയും പറഞ്ഞു.