പട്ടാമ്പി: സുന്നി യുവജന സംഘം മണ്ഡലം കമ്മിറ്റി സംഘടിപ്പിക്കുന്ന പട്ടാമ്പി ഹജ്ജ് ക്യാംപ് 19ന് ചിത്ര ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ പത്രകുറിപ്പില്‍ അറിയിച്ചു. രാവിലെ ഒന്‍പത് മണി മുതല്‍ വൈകുന്നേരം അഞ്ചു മണി വരെ നടക്കുന്ന ക്യാംപില്‍ രജിസ്‌ട്രേഷന്‍ സൗകര്യം ഒരുക്കിയിട്ടുണ്ടെന്ന് സംഘാടക സമിതി അംഗങ്ങള്‍ പറഞ്ഞു.
ക്യാംപിന്റെ ഉദ്ഘാടനം ഹജ്ജ് കമ്മിറ്റി ചെയര്‍മാന്‍ കോട്ടുമല ബാപ്പു മുസ്‌ലിയാര്‍ നിര്‍വഹിക്കും. സയ്യിദ് അബ്ദുറഹ്മാന്‍ ജിഫ്രി തങ്ങള്‍ അധ്യക്ഷനാകും. രാവിലെ 9.30ന് ഗവ. ഹജജ് ട്രൈനര്‍മാരുടെ ക്ലാസ്സുകള്‍ നടക്കും. സയ്യിദ് കെ.പി.സി തങ്ങള്‍, മുഹമ്മദ് കുട്ടി മുസ്‌ലിയാര്‍ പള്ളിപ്പുറം, ജി.എം സ്വലാഹുദ്ധീന്‍ ഫൈസി വല്ലപ്പുഴ, സി.എ.എം.എ കരീം, മുന്‍സിപ്പല്‍ ചെയ്മാന്‍ കെ.പി വാപ്പുട്ടി, എടത്തോള്‍ കമ്മുക്കുട്ടി ഹാജി, അബ്ബാസ് മളാഹിരി കൈപ്പുറം, എം.കെ മാനു മുസ്‌ലിയാര്‍, ഡോ. മുസ്തഫ, മുബാറക് ഒറ്റപ്പാലം, എം.ടി മുഹമ്മദ് അലി ഫൈസി മോളൂര്‍ ടി.കെ മുഹമ്മദ് കുട്ടി ഫൈസി, ടി.എച്ച് കബീര്‍ അന്‍വരി, എന്‍ സൈതലവി മുസ്‌ലിയാര്‍, കെ.പി.എ സമദ് മാസ്റ്റര്‍, സയ്യിദ് ഹസന്‍ സഖാഫ് തങ്ങള്‍, ഹബീബുളള മാസ്റ്റര്‍ തുടങ്ങിയവര്‍ സംസാരിക്കും. സമാപന ദുആ സമ്മേളനത്തിന് പി.കെ ഇമ്പിച്ചി കോയ തങ്ങള്‍ നേതൃത്വം നല്‍കും.