കൊച്ചി. കേന്ദ്ര പൊതുമേഖലാ സ്ഥാപനമായ കാസര്‍കോട് ഭാരത് ഹെവി ഇലക്ട്രിക്കല്‍ ലിമിറ്റഡ് (ഭെല്‍) ഏറ്റെടുക്കുന്ന കാര്യത്തില്‍ കേന്ദ്ര സര്‍ക്കാര്‍ ഒരാഴ്ചയ്ക്കുള്ളില്‍ വിശദീകരണം നല്‍കണമെന്ന് ഹൈക്കോടതി.
ഭെല്‍ ഇ.എം.എല്‍ സ്വതന്ത്ര തൊഴിലാളി യൂനിയന്‍ ജനറല്‍ സെക്രട്ടറി കെ.പി മുഹമ്മദ് അഷ്‌റഫ് നല്‍കിയ ഹരജിയിലാണ് ഹൈക്കോടതി നിര്‍ദേശം. ഭെല്‍ ഇ.എം.എല്‍ ഏറ്റെടുക്കാനുള്ള കരാര്‍ അംഗീകാരത്തിനായി കേന്ദ്ര സര്‍ക്കാരിന് അയച്ചുകൊടുത്തിട്ടുണ്ടെന്നും ഇതുവരെ ഒരു മറുപടിയും ലഭിച്ചിട്ടില്ലെന്നും സംസ്ഥാന സര്‍ക്കാര്‍ നിലപാട് അറിയിച്ചു.
തുടര്‍ന്നാണ് കേന്ദ്ര സര്‍ക്കാരിനോട് കാലതാമസം എന്തെന്ന് ഒരാഴ്ചയ്ക്കുള്ളില്‍ വിശദീകരിക്കാന്‍ ഹൈക്കോടതി നിര്‍ദേശിച്ചത്. ഹരജിയില്‍ എട്ടിന് വീണ്ടും വാദം കേള്‍ക്കും.