തലശ്ശേരി: അമിതലഹരിമരുന്ന് ഉപയോഗത്തിനിടെ യുവാവ് മരിച്ച സംഭവത്തില്‍ ഒരാള്‍ക്കൂടി അറസ്റ്റില്‍. തലശ്ശേരി സ്വദേശി സുനീറി(22)നെയാണ് എടക്കാട് പൊലിസ് അറസ്റ്റ് ചെയ്തത്. മുഴപ്പിലങ്ങാട് കുളംബസാറിനു സമീപം ആളൊഴിഞ്ഞ വീട്ടിലാണ് മിഗ്ദാദി(21)നെ മരിച്ച നിലയില്‍ കണ്ടെത്തിയത്. കൂടെയുണ്ടായിരുന്ന രാഹുല്‍ എന്ന കണ്ണനേയും മയക്കുമരുന്നെത്തിച്ച ജംഷീറിനേയും നേരത്തെ പൊലിസ് അറസ്റ്റ് ചെയ്തിരുന്നു. ഇപ്പോള്‍ അറസ്റ്റിലായ ആളും ലഹരിമരുന്ന് വിതരണം ചെയ്യുന്ന പ്രധാന കണ്ണിയാണെന്ന് പൊലിസ് പറഞ്ഞു.