തുവ്വൂര്‍: എഴുതിയ പി.എസ്.സി പരീക്ഷകളിലെല്ലാം ഒന്നാം റാങ്ക് നേടിയ പള്ളിപ്പറമ്പ് പരപ്പന്‍പാടന്‍ മുഹമ്മദ് എന്ന ബായി മുസ്‌ലിയാരുടെ മകന്‍ അലി അസ്‌ക്കറിനെ മഹല്ല് കമ്മിറ്റി ആദരിച്ചു. മജ്‌ലിസുന്നൂര്‍ വാര്‍ഷിക സദസില്‍ വെച്ച് മാതൃകാ മഹല്ല് കമ്മറ്റിയാണ് പരിപാടി സംഘടിപ്പിച്ചത്. 2014 മുതല്‍ പി.എസ്.സി പരീക്ഷകള്‍ എഴുതിത്തുടങ്ങിയ അലി അസ്‌ക്കര്‍ ഇലട്രിക്കല്‍ ട്രേഡ്‌സ്മാന്‍, വിവിധ ഡിപ്പാര്‍ട്ട്‌മെന്റുകളില്‍ ഇലക്ട്രീഷ്യന്‍, പൊതുമരാമത്ത് വകുപ്പില്‍ ലൈന്‍മാന്‍ എന്നീ തസ്തികകളില്‍ ഒന്നാം റാങ്ക് നേടിയിട്ടുണ്ട്. നിലവില്‍ ചാവക്കാട് ഫസ്റ്റ് ക്ലാസ് ജുഡീഷ്യല്‍ മജിസ്‌ട്രേറ്റില്‍ ഒ.എ ആയി ജോലി ചെയ്ത് വരികയാണ് .സയ്യിദ് ഫക്രുദ്ദീന്‍ തങ്ങള്‍ കണ്ണന്തളി ഉപഹാരം നല്‍കി.
മഹല്ല് ഖാസി ഉമര്‍ ഫൈസി, മഹല്ല് സെക്രട്ടറി അബ്ദുറഹ്മാന്‍ ഫൈസി, അബ്ദുല്ല കുട്ടി മുസ്‌ലിയാര്‍, മാതൃകാമഹല്ല് ചെയര്‍മാന്‍ സഫ്‌വാന്‍ മാത്യകാ മഹല്ല് ഭാരവാഹികളായ ഷാഹുല്‍ ഹമീദ്, ലത്തീഫ്, ഫാറൂഖ്, ശംസുദ്ദീന്‍, ഇഖ്ബാല്‍ ചടങ്ങില്‍ സംബന്ധിച്ചു.